Մաշկն օրգանիզմի հայելին է․ մաշկաբան Վանանդ Գևորգյան. «Հաջողության նոտա»

Հայրենադարձ, մաշկաբան, տրիխոլոգ, մազերի փոխպատվաստման վիրաբույժ բժիշկ Վանանդ Գևորգյանը մեծացել է մի ընտանիքում, որն անմիջական առնչություն ունի բժշկության և երաժշտության հետ։ Մայրը բժիշկ-մաշկաբան, իսկ հայրն ինժեներ է, բացի այդ հայրը սաքսոֆոն է նվագում, մայրը՝ դաշնամուր։

Ինը տարեկանից Վանանդը երգել է «Կոմիտաս» երգչախմբում, 14 տարեկանում սկսել է նվագել կիթառ: Սպահան քաղաքում hայկական դպրոցն ավարտելուց հետո եկել է Հայաստան` ԵՊԲՀ սովորելու։ Հայրենիքում բազում հաջողություններ գրանցած բժիշկը վերջերս հիմնադրել է EsteTime Clinic-ը։