Թեպետ երազում էր թատերական ինստիտուտի մասին, բայց ծնողների խորհրդով ընդունվեց Վալերի Բրյուսովի անվան լեզվաբանական ինստիտուտ։ Ճակատագիրն այլ բան էր նախատեսել։
«Ուրախների և հնարամիտների ակումբ»–ում ելույթները դրամատիկական թատրոնի դռները բացեցին նրա առջև, և նա հնարավորություն ստացավ դերեր կերտել։
Հետո ժամանակն էր քայլել հեռուստատեսության տարբեր ոլորտներով։ Այդ ընթացքում համատեղության կարգով աշխատել է նաև հանրային ռադիոյում՝ ստեղծելով «Երգիծական մանրապատումներ» հաղորդաշարը։
Լրագրող, մանկավարժ Գարիկ Ղազարյանը կարծում է, որ հումորը բարդ ժանրերից մեկն է և կարևոր է պահել չերևացող սահմանագիծը, որպեսզի այն չստացվի գռեհիկ։
Նրա համար կարևոր է նաև մանկավարժությունը․ ոչ միայն ինքն է գիտելիք փոխանցում, այլև շատ բան է սովորում հենց երեխաներից։ Լավատես է ու կարծում է, որ պետք է հաճախ ժպտալ։
