Ցանկացած պարագայում կարևոր է մարդ մնալ. բժիշկ-ռադիոլոգ Արմինե Միսակյան

Բժիշկ-ռադիոլոգ, սոնոգրաֆիստ Արմինե Միսակյանը մանկությունը և դպրոցական տարիներն անցկացրել է ծննդավայրում՝ Ակնաշեն գյուղում։ Ունենալով երաժշտական կրթություն՝ դեռ դպրոցական տարիներից երազել է դառնալ պարուհի և ռեժիսոր։ Սակայն ծնողների հորդորով ընդունվել է Երևանի Հերացու անվան պետական բժշկական համալսարանի բուժական ֆակուլտետը: 14 տարվա աշխատանքային փորձ ունեցող բժշկուհին նաև 3 զավակի մայր է։ Թեև սերը արվեստի հանդեպ մինչ օրս չի նվազել, նա ուրախ է, որ ընտրել է մարդկությանը օգտակար լինելու ուղին։