Մոսկվայում ծնված Գայանեն ունի հաշվապահի մասնագիտություն, սակայն այդ գործով երբեք չի զբաղվել։ Ավելին, ինչպես ինքն է սիրում ասել, թվերից շատ հեռու է։ Ընտանիք կազմելուց հետո տեղափոխվել է Հայաստան և ամբողջովին նվիրվել ընտանիքին։
15 տարվա դադարից հետո նրա կյանքը փոխվեց Պրահայում շոկոլադի թանգարան այցելելուց հետո։ Այդպես ստեղծվեց «NakhshSweet» ապրանքանիշը, որը հետագայում դարձավ ընտանեկան։ «Լինելով երեք երեխաների մայր՝ ես կարողացա իրականացնել երազանքս՝ ունենալ սեփական գործ, գտնել ինքս ինձ», – ասում է գործարար Գայանե Գալոյանը։
