Հայաստանի Հանրապետութեան վարչապետ Նիկոլ Փաշինեանը ընդունեց Միացեալ Թագաւորութեան Եւրոպայի հարցերով նախարար Լէօ Տոքերթին: Ատրպէյճանի նախագահ Իլհամ Ալիեւ Ֆրանսան մեղադրեց Հարաւային Կովկասի մէջ նոր պատերազմի համար հող նախապատրաստելու մէջ։
Թուրքիոյ նախագահ Էրտողանը Հայաստանին կոչ ըրած է Ատրպէյճանի հետ շուտափոյթ խաղաղության համաձայնագիր ստորագրելու: ԹԱՍՍ-ի փոխանցմամբ Էրտողան նշած է թէ, Հայաստանը իր ապահովութիւնը պէտք է փնտռէ ոչ թէ հազարաւոր քիլոմեթրեր այն կողմ, այլ հարեւաններուն հետ համագործակցութեամբ:
Այս տարի Հայաստան Համահայկական հիմնադրամը իր ամէնամեայ պատկերասփիւռի դրամահաւաքը ` կազմակերպած է 23 Նոյեմբերին։ Առաքելութիւնը ուղղուած է սահմանամերձ համայնքներու զարգացման եւ Լեռնային Ղարաբաղէն տեղահանուած մեր հայրենակիցներուն աջակցելու համար։
