Մեր տարածաշրջանի քաղաքական ներկապնակում կարևոր նշանակություն ունեն Իրանի և Ադրբեջանի հարաբերությունները, որոնք էապես ազդում են տարածաշրջանային երկրների, այդ թվում՝ Հայաստանի վրա։
Իրանի ու Ադրբեջանի հակասությունները սկիզբ են առնում դեռևս նախորդ դարի 90-ական թվականներից, սակայն պետք է նշել, որ երկու երկրներն ունեն նաև բազմաթիվ ընդհանրություններ ու շահեր։
«Իրան-Ադրբեջան հարաբերությունները քսանամյա շրջափուլում». այսպես է կոչվում իրանագետ, բանասիրական գիտությունների թեկնածու Արմեն Իսրայելյանի մենագրությունը, որտեղ դիտարկված են Իրանի ու Ադրբեջանի տնտեսական, քաղաքական, մշակութային, կրոնական հարաբերությունները 2003-2023 թվականներին։ Այսօր մեր հաղորդման հյուրն է գրքի հեղինակը։
