Հայաստանի պաշտպանության նախարարությունը հերքել է դիպուկահարների կողմից ադրբեջանցի շարքայինի զոհվելու մասին ադրբեջանական լրատվամիջոցների հաղորդումները։
«Թող ադրբեջանական կողմը, քննելով իր բանակի ներքին վիճակը, հասկանա, թե ինչո՞ւ է պարբերաբար զոհեր ունենում: Ներքին խնդիրների պատճառով Ադրբեջանում մահացած զինվորներին մեդալ են շնորհում հայերի դեմ կռվելու համար, որպեսզի թաքցնեն իրենց բանակի իրական պատկերը: Հայկական կողմն ադրբեջանցի զինվորի մահվան հետ որեւէ առնչություն չունի»,- «Արմենպրեսին» հայտնել է ՀՀ ՊՆ մամուլի քարտուղար Արծրուն Հովհաննիսյանը:
Ադրբեջանական լրատվամիջոցների հաղորդումները հերքել են նաեւ ԼՂՀ ՊՆ- ից։ ՊՆ մամուլի քարտուղար Սենոր Հասրաթյանը nrws.am- ին է ասել է, որ Հայաստանի ԼՂՀ պաշտպանության ստորաբաժանումները հավատարիմ են հրադադարի ռեժիմի պահպանմանը: «Ղարաբաղի ԶՈՒ-ն երբեք միջադեպեր դրդողի դերում հանդես չի գալիս», — ընդգծել է նա։
