Վարչապետ Նիկոլ Փաշինեան Ազգային ժողովի մէջ հանդիպումներ ունեցած է խորհրդարանական խմբակցութիւններու ղեկավարներուն հետ։ Վարչապետը առանձին հանդիպած է «Իմ քայլը» խմբակցութեան ղեկավար Լիլիթ Մակունցին, «Բարագաւաճ Հայաստան» խմբակցութեան ղեկավար Գագիկ Ծառուկեանին և «Լուսաւոր Հայաստան» խմբակցութեան ղեկավար Էտմոն Մարուքեանին:
Հանդիպումներու ընթացքին քննարկուած է 2021 թուականին խորհրդարանական արտահերթ ընտրութիւններու հարցը: Վարչապետը լսած է խմբակցութիւններու ղեկավարներուն կարծիքներն ու դիրքորոշումները:
Ռուսաստանի Դաշնութեան նախագահ Վլատիմիր Փութին շնորհաւորական ուղերձ յղած է վարչապետ Նիկոլ Փաշինեանին՝ Ամանորի և Սուրբ Ծննդեան տօներու առիթով:
Ռուսաստանի նախագահը վստահ է որ հայ-ռուսական բազմաբնոյթ կապերու յետագայ զարգացումը համահունչ է եղբայրական ժողովուրդներու հիմնարար շահերուն և կ՛ընթանայ Անդրկովկասեան տարածաշրջանին մէջ խաղաղութեան, անվտանգութեան և կայունութեան ապահովման ոգիով։
Մայր Աթոռը Ամանորի եւ Սուրբ ծննդեան տօներուն կատարուելիք արարողութիւնների ժամանակացոյցը հրապարակեց․
Դեկտեմբեր 31-ին, ժամը 24:00-ին — Մաղթանք և Նռնօրհնէքի արարողութիւն Մայր Աթոռ Սուրբ Էջմիածնի Սուրբ Տրդատի Բաց խորանին, հանդիսապետութեամբ Ն.Ս.Օ.Տ.Տ. Գարեգին Երկրորդ Ծայրագոյն Պատրիարք և Ամենայն Հայոց Կաթողիկոսի։ Յունուար 1-ին, ժամը 10:00-ին — Սուրբ Պատարագ և Հայրապետական մաղթանք Ս. Գայանէ վանքին մէջ ,իսկ Յունուար 6-ին, ժամը 10:30-ին — Հայրապետական Պատարագ և ՋրօրհնԷքի կարգ Երեւանի Սուրբ Գրիգոր Լուսաւորիչ մայր եկեղեցւոյ մէջ։
