Արձակագիր Հրանտ Մաթևոսյանն այսօր կդառնար 85 տարեկան։ Նա ծնվել է 1935 թվականին Լոռու Ահնիձոր գյուղում, որի անունով ակնարկն էլ դարձել է հեղինակի առաջին տպագիր գործն ու մեծ աղմուկ բարձրացրել։ Հրանտ Մաթևոսյանի սցենարներով են նկարահանվել «Մենք ենք մեր սարերը», «Աշնան արև» և բազմաթիվ այլ ֆիլմեր։ Հրանտ Մաթևոսյանը ԽՍՀՄ պետական մրցանակի դափնեկիր է, նաև եղել է Հայաստանի գրողների միության նախագահ։ Կյանքից հեռացել է 2002 թվականին՝ 67 տարեկան հասակում։
