Թրամփը հանդիպել է Facebook-ի ղեկավարի հետ

ԱՄՆ նախագահ Դոնալդ Թրամփը սեպտեմբերի 19-ին Սպիտակ տանը հանդիպել է Facebook ընկերության ղեկավար Մարկ Ցուկերբերգի հետ։ Այս մասին Թրամփը գրել է իր թվիթերյան էջում։

«Հաճելի հանդիպում Մարկ Ցուկերբերգի հետ այսօր, Օվալաձև կաբինետում»,-գրել է Թրամփը։

Նախկինում ԱՄՆ նախագահի գրաֆիկում նման հանդիպում նշված չի եղել։

Facebook-ի մամուլի ծառայությունից հայտնել են, որ զրույցը եղել է կառուցողական։