Մարտ ամսից Վանաձորի Հովհաննես Աբելյանի անվան դրամատիկան թատրում սկսվել են հիմնավերանորոգման աշխատանքները. թատրոնը ստեղծման օրվանից վերանորգվել է մասնակի:
Աբելյանցիները լիահույս են, որ նոր թատերաշրջանը մեկնարկը կտրվի արդեն վերանորոգված, բոլորվին նոր թատրոնի շենքում: Իսկ մինչ վերանորգումը Ռադիոլուրը այցելել է աբելյանցիներին:
Հանդիսատեսը փետրվարի 6- ին հնարավորություն կունենա դիտելու վերաբեմադրված «Լինում է, չի լինում» ներկայացումը, որտեղ միաձուլվել են մեծն լոռեցի Հովհաննես Թումանյանի հինգ հեքիաթները։ Ներկայացման ռեժիսորը Արամ Մխիթարյանն է:
Մինչ բեմում ու փորձասենյակներում փորձ է, որոշեցինք դերասանուհի, ռեժիսորի օգնական Սոնա Մաթևոսյանի հետ շրջել թատրոնում՝ ծանոթանալ շենքային պայմաններին։ Սոնան ցույց է տալիս բեմահարթակի այն վայրը, որտեղ անցած տարի անձրև էր տեղացել հենց ներկայացման ժամանակ։ Տանիքը դեռ այդ ժամանակ վերանորոգված չէր. Տանիքը վերանորոգվեց Տաշիր ընկերություն կողմից:
Հովհաննես Աբելյանի անվան պետական դրամատիկական թատրոնը ստեղծվել է 1931 թվականին ու դրանից հետո մասնակի է վերանորոգվել է։ Սակայն այս տարեվերջին աբելյանցիներն այլևս չեն զգա շենքային պայմանների անհարմարությությունները։ Հուսով են, քանի որ մարտ ամսից թատրոնում սկսվել են հիմնանորոգման աշխատանքները: Թատրոնի տնօրեն Ագնեսա Շահնազարյան
Չնայած շենքային ոչ բարենպաստ պայմաններին՝ աբելյանցիները գրանցել են մոտ հինգ հազար հանդիսատեսի աճ: Ագնեսան ասում է, որ վերանորոգումից հետո ավելի շատ հանդիսատես կունենան:
Ի դեպ, վերանորոգման աշխատանքները չեն խանգարելու թատրոնի բնականոն ու աշխույժ ընթացքին։ Ագնեսա Շահնազարյանը տեղեկացրեց, որ հյուրախաղերով հանդես են գալու թե Լոռում, թե տարածաշրջանից դուրս: Ու մինչ կհեռանանք Վանաձորի թատրոնից՝ վայելում ենք «Հրադադար» բեմադրության վերջին փորձը։ Այն նվիրված է Հայոց բանակի կազմավորման 26-րդ տարեդարձին։ Ներկայացման ռեժիսորը Ռազմիկ Խոսրոևն է:
Հրադադարը վանաձորցիների դատին կհանձնվի հունվարի 26 ին։
