Քաղաքական

Թ. Պողոսյան. Ի°նչ է փոխվելու, եթե ունենանք աշխարհի ամենալավ Սահմանադրությունը և այսօր գործող ինստիտուտները

lusinevasilyan

Հանրապետության նախագահի նստավայրում սահմանադրական բարեփոխումների նախագծի շուրջ քաղաքական ուժերի հետ անցկացվող խորհրդակցություններին չմասնակցելը «Ժառանգություն»  կուսակցության որոշումն էր, իսկ  բարեփոխումների հանձնաժողովի անդամների հետ խորհրդարանական հանդիպման առաջարկը չմերժելը ՝ խմբակցության որոշումը, այսօր ասել է «Ժառանգություն» խմբակցության պատգամավոր Թևան Պողոսյանը:

Նա չի ներկայացրել  քննարկման  մանրամասները, նշել է, որ աշխատանքային հանդիպում էր, որի ժամանակ  կողմերն իրենց դիրքորոշումներն  են արտահայտել:

Սեպտեմբերի 4-ին Ազգային ժողովում  անցկացվելիք լսումներին մասնակցել-չմասնակցելու վերաբերյալ խմբակցությունը վերջնական որոշում դեռևս չունի:  Հարցը, ըստ Թևան Պողոսյանի,  քննարկելու են վաղը: Ընդհանուր որոշման չհանգելու դեպքում ՝ «Ժառանգության» պատգամավորներից յուրաքանչյուրն ազատ է լինելու իր որոշման մեջ:  Ինչ վերաբերում է նախագծին կողմ կամ դեմ լինելուն, ապա Թևան Պողոսյանը կարծում է, որ գործընթացն այլ ուղով պետք է ընթանար:

«Մինչև չձևավորենք վստահություն ընտրական գործընթացի, համակարգի նկատմամբ, տեքստի լավ կամ վատ լիենլը երկրորդական հարց է: Ի°նչ է փոխվելու մեր կյանքում, եթե ունենանք աշխարհի ամենալավ Սահմանադրությունը և այն ինստիտուտները, որոնք այսօր են գործում ու չեն կարողանում կայնքի կոչել գործող օրենքները»,- ասում է պատգամավորը։

Back to top button