Ռուսաստանի եւ Ադրբեջանի նախագահներ Վլադիմիր Պուտինը եւ Իլհամ Ալիեւը այսօր հեռախոսազրույցի ընթացքում ընդգծել են երկու երկրների հարաբերությունների կառուցողական բնույթը, ինչպես նաեւ կառավարությունների եւ ոլորտային գերատեսչությունների միջեւ երկխոսության ակտիվացումը, հայտնել է Կրեմլի մամուլի ծառայությունը։
«Երկկողմ եւ միջազգային օրակարգի արդիական հարցերը քննարկելուց հետո առաջնորդներն ընդգծել են ռուս-ադրբեջանական հարաբերությունների կառուցողական բնույթը եւ կառավարությունների ու ոլորտային գերատեսչությունների գծով երկխոսության ակտիվացումը»,- ասվում է հաղորդագրության մեջ։
Երկու երկրների ղեկավարները նաեւ վերահաստատել են փոխշահավետ համագործակցությունն այսուհետ եւս ընդլայնելու պատրաստակամությունը։
Ադրբեջանի նախագահի մամուլի ծառայության հաղորդագրության համաձայն՝ հեռախոսազանգը եղել է ռուսական կողմի նախաձեռնությամբ։
