Գերմանիայի և Ադրբեջանի նախագահները քննարկել են հայ- ադրբեջանական խաղաղության գործընթացը

Գերմանիայի նախագահ Ֆրանկ Վալտեր Շտայնմայերը Բեռլինի «Վիլլա Բորսիգ» նստավայրում ընդունել է Ադրբեջանի նախագահ Իլհամ Ալիևին։

Զրույցի առանցքում եղել են երկկողմ հարաբերությունները, Հայաստանի և Ադրբեջանի միջև խաղաղության գործընթացը, ինչպես նաև տարածաշրջանային և միջազգային արդիական հարցերը։

Դաշնային նախագահը բարձր է գնահատել Հայաստանի և Ադրբեջանի միջև խաղաղության և հարաբերությունների կարգավորման գործընթացում գրանցված առաջընթացը և աջակցություն հայտնել խաղաղության համաձայնագրի ուղղությամբ հետագա քայլերին։

Զրույցի թեմաներից է եղել նաև Գերմանիայի և Ադրբեջանի միջև երկկողմ համագործակցությունը։ Դաշնային նախագահը ընդգծել է Ադրբեջանի նշանակությունը որպես կարևոր գործընկեր Հարավային Կովկասում, ինչպես նաև էներգետիկայի և տնտեսության ոլորտներում։