Ինչպե՞ս խուսափել Շենգենյան վիզայի մերժումից. ԱԳՆ-ն ուղեցույց և տեսանյութեր է հրապարակել

ՀՀ Արտաքին գործերի նախարարությունը հանրային իրազեկվածության բարձրացման նպատակով հրապարակել է Շենգենյան վիզայի տրամադրման հիմնական կանոններն ու ընթացակարգերը պարզաբանող խորհրդատվական տեսանյութեր։

Նախաձեռնության հիմնական նպատակն է բարելավել ՀՀ քաղաքացիների կողմից դեսպանություններ ներկայացվող դիմումների որակը և նվազեցնել վիզայի մերժման հավանականությունը։

Ինչո՞ւ է սա կարևոր

ԵՄ անդամ պետությունների կողմից սահմանված պահանջներին համապատասխանող դիմումների ներկայացումը կարևոր է ոչ միայն անհատական ճամփորդական ծրագրերի իրագործման, այլև պետական մակարդակով վիզաների ազատականացման գործընթացի համար։

Մերժումների տարեկան ցածր ցուցանիշ ապահովելը գլխավոր նախադրյալներից է, որն առաջ է մղում Հայաստանի Հանրապետության և Եվրոպական միության միջև վիզաների ազատականացման երկխոսությունը։ Ժամանակին ներկայացված, ճիշտ կազմված և հստակ հիմնավորված դիմումը դրական է ազդում այս ընդհանուր գործընթացի վրա։

Շենգենյան վիզա ստանալու համար սահմանված հիմնական կանոնների վերաբերյալ մանրամասն ուղեցույցը (PDF ձևաչափով) հասանելի է հետևյալ հղումով՝ https://www.mfa.am/…/schengen/Schengen-Visa-Guide-ARM.pdf