Աշխարհի 2026 թվականի առաջնության երկրորդ տուրի D խմբի խաղում, ԱՄՆ-ի Վաշինգտոն նահանգի Սիեթլ քաղաքի «Լյումեն Ֆիլդ» մարզադաշտում, ԱՄՆ-ի հավաքականը երկու անպատասխան գնդակ ուղարկեց Ավստրալիայի ընտրանու դարպասը (2-0):
Հանդիպման հաշիվը բացվեց արդեն 11-րդ րոպեին, երբ ավստրալացիների կազմում Քեմերոն Բյորջեսը դարձավ ինքնագոլի հեղինակ՝ գնդակն ուղարկելով սեփական դարպասը։ Առաջին խաղակեսի վերջնամասում ամերիկացիներն ամրապնդեցին իրենց առավելությունը. 43-րդ րոպեին Ալեքս Ֆրիմանը խփեց իր թիմի երկրորդ գնդակը՝ ձևակերպելով հանդիպման վերջնահաշիվը։
Այս հաղթանակից հետո ԱՄՆ-ի ազգային հավաքականը վաստակեց 6 միավոր, իսկ Ավստրալիայի ընտրանին մնաց 3 միավորով։
Խմբային փուլի վերջին՝ երրորդ տուրում, որը D խմբի համար նախատեսված է հունիսի 26-ին, ԱՄՆ-ի հավաքականը կմրցի Թուրքիայի, իսկ Ավստրալիան ուժերը կչափի Պարագվայի ընտրանու հետ։
Աղբյուր՝ armsport.am
