Ամեն ինչ՝ բացի Դոնբասից․ ինչի շուրջ են պայմանավորվել Թրամփն ու Զելենսկին

Ֆլորիդայում կայացած շուրջ երեք ժամ տևած բանակցություններից հետո ԱՄՆ նախագահ Դոնալդ Թրամփը և Ուկրաինայի նախագահ Վոլոդիմիր Զելենսկին հայտարարել են Ռուսաստանի հետ խաղաղության հասնելու գործընթացում զգալի առաջընթացի մասին։

Թրամփի խոսքով՝ կողմերը համաձայնության են եկել պայմանների մոտ 95 տոկոսի շուրջ, սակայն Դոնբասի հարցը մնում է հիմնական չլուծված կետը։ Նա այն անվանել է «կրիտիկական», ընդգծելով, որ կողմերը դեռ մոտենում են վերջնական համաձայնագրին։

Զելենսկին նշել է, որ Ուկրաինայի դիրքորոշումը Դոնբասի հարցում հստակ է և չի համընկնում Ռուսաստանի պահանջների հետ՝ շեշտելով, որ Կիևի համար առաջնայինը անվտանգության երաշխիքներն են, ոչ թե տարածքային զիջումները։

Կողմերի գնահատմամբ՝ առաջիկա շաբաթներին խաղաղության համաձայնագրի պարամետրերը կարող են առավել հստակ դառնալ։