Մեծ ու անգնահատելի է նրա դերը հայ ժողովրդական երգարվեստի բնագավառում: Նրա անզուգական կատարած երգերից երկուսը տեղ են գտել Փարիզում լույս տեսած «Աշխարհի ժողովուրդների ֆոլկլորը» շարքի 4 ձայնասկավառակներից առաջինում՝ «Հայաստան» բաժնում:
«Երգը մեր պատմությունն է: Հիշողություն է երգը: Երգը պայքարում մեզ տալիս է առյուծի սիրտ, իսկ աշխատանքում՝ լուսավոր միտք»,-այսպես է մտածում հայ երգի մասին անկրկնելի երգիչ-բանահավաք և ազգագրագետ Հայրիկ Մուրադյանը։
