ԿարևորՀասարակություն
«Թրանսփարենսիի զեկույցը լավ մեկնակետ է՝ հաջորդ զեկույցով հասկանալու համար, թե ինչ առաջընթաց ունենք»
Երևանի քաղաքապետարանի մամուլի քարտուղար Հակոբ Կարապետյանն իր ֆեյսբուքյան էջում գրում է««Թրանսփարենսի ինթերնեշնլ»-ն ամփոփել է «Տեղեկատվության մատչելիությունը եվրոպական երկրների մայրաքաղաքներում» թեմայով ուսումնասիրության արդյունքները: Ուսումնասիրությունն արվել է 2018-ի հոկտեմբեր-դեկտեմբեր ամիսներին եվրոպական 26 մայրաքաղաքներում, տեղեկատվության հասանելիությանը վերաբերող 14 ցուցանիշներով: Եվ ըստ այդմ, Երեւանը զբաղեցրել է վերջից առաջին տեղը, պարզ ասած, ճանաչվել է «ամենաանթափանց» մայրաքաղաքը:
Հետազոտությունն արվել է հենց այն շրջանում, երբ ներկա վարչակազմը ստանձնում էր քաղաքի կառավարումը: Կարծում եմ, Թրանսփարենսիի զեկույցը լավ մեկնակետ է՝ հաջորդ զեկույցով հասկանալու համար, թե ինչ առաջընթաց ունենք» :
