Մշակույթ

«Մետրոպոլիտենի» ներկայացուցիչները՝ Կոմիտասի թանգարան- ինստիտուտում

aidaavetisyan

Այսօր Կոմիտասի անվան թանգարան-ինստիտուտը հյուրընկալել է  աշխարհի  ամենահեղինակավոր  օջախներից մեկի ՝  Նյու Յորքի «Մետրոպոլիտեն»  թանգարանի  ներկայացուցիչներին: Վերջիններս առաջին անգամ են այցելում  Հայաստան:  Այցի շրջանակներում  օտարերկրացի հյուրերը  եղել են Հայաստանի պատմության թանգարանում, որտեղ էլ  քննարկվել է «Մետրոպոլիտենում»  2017 թվականին Հայաստանին վերաբերող ցուցահանդեսների  հնարավոր կազմակերպումը:

Թանգարանի  միջնադարյան  արվեստի և վանքերի  վարչության  պետ Գրիֆտ Մանը լրագրողների հետ զրույւցում նշել է, որ   կուսումնասիրեն հայկական թանգրաններն ու կքննարկեն եւ կհամեմատեն հայկական , պարսկական ու թուրքական մշակույթների տարբերություններն ու առանձնահատկությունները:

Իսկ թանգարանի  միջնադարյան արվեստի և վանքերի վարչության  բյուզանդական  արվեստի համակարգող  Հելեն Էվանսն էլ  նշել է, որ  շարունակվում են  իրենց շրջագայությունները  հայկական պատմամշակութային  վայրեր:

Վաղն  այցելելու են Գառնիի հեթանոսական տաճար ու Էջմիածին: Հելեն Էվանսը ուրախությամբ նշեց, որ ծանոթ է  Կոմիտասի երաժշտությանն ու խազագրությանը: «Վերջին մի քանի տարիների ընթացքում մեզ մոտ եղել են մի քանի համերգներ՝ նվիված Կոմիտասին և մենք շատ ենք  սիրում ու երկրպագում  վարդապետին»,- ասաց նա։

Այսօր  Կոմիտասի թանգարան- ինստիտուտում Հայաստանի  պետական ազգային  ակադեմիական  երգչախմբի  համերգով  տրվել է դասական  երաժշտության համերգաշարի մեկնարկը, որին ներկա են եղել նաև  օտարերկրացի հյուրերը։

Back to top button