ՀԱԿ խմբակցության ղեկավար Լեւոն Զուրաբյանի եւ ԲՀԿ խմբակցության քարտուղար Նաիրա Զոհրաբյանի հեղինակած «Կառավարման ճգնաժամի» մասին Աժ հայտարարության տեքստի քվեարկությունից առաջ Լեւոն Զուրաբյանն արտահերթ 20 րոպե ընդմիջում վերցրեց: Դահլիճ վերադառնալուն պես հարցը դրվեց քվեարկության, բայց հայտարարության տեքստը չընդունվեց 65 դեմ, 16 կողմ եւ 6 ձեռնպահ ձայների հարաբերակցությամբ: Լեւոն Զուրաբյանն ասաց, որ դեմ քվեարկողները չեն ըմբռնում ստեղծված իրավիճակը:Սակայն նա այդպես էլ չկարողացավ այս առիթով իր հայտարարությունն անել մինչեւ վերջ: Զուրաբյանին ընդհատեց ԱԺ նախագահը և հայտարարեց մյուս քվեարկության մասին:
