Հանրապետության նախագահն այսօր աշխատանքային այցով Կոտայքի մարզում էր: Այցի շրջանակներում նա այցելել է մարզի Ձորաղբյուր համայնքում գտնվող «Մավաս գրուպ» ընկերության ջերմոցային տնտեսություն, ծանոթացել ընկերության կողմից իրականացած ներդրումային ծրագրերին, ստեղծված պայմաններին ու արտադրական հզորություններին: Շրջայցի ընթացքում նախագահին ուղեկցել են ՀՀ գյուղատնտեսության նախարար Սերգո Կարապետյանը, Կոտայքի մարզպետ Արամ Հարությունյանը, այլ պաշտոնյաներ:
2005 թվականաին հիմնադրված «Մավաս գրուպ» ընկերոթյունը 2011-ից Կոտայքի մարզի Ձորաղբյուր համայնքում զբաղվում ջերմային տնտեսությամբ: Մինչև 2014 թվականը ընկերությունը կառուցել ու շահագործման է հանձնել 11 հազար քմ ընդհանուր մակերեսով 5 ջերմատներ, որոնցում արտադրվում է հիմնականում վարունգ և լոլիկ: Արտադրության ծավալներն ավելացնելու նպատակով 2014-ի վերջին ընկերությունը սկսեց ևս 10 հեկտար մակերեսով ջերմատան կառուցման աշխատանքները: Ծրագրի ընդհանուր արժեքը կազմում է շուրջ յոթ միլիարդ դրամ: «Մավաս գրուպ» ընկերության տնօրեն Արմենակ Մկրտչյանի տեղեկացմամբ՝ նոր ջերմատունը շահագործման կհանձնվի 2015-ի հոկտեմբերին:
Արտադրության բոլոր փուլերը՝ ջեռուցում, բույսերի աճեցում, պարարտացում, հնարավոր հիվանդությունների կանխարգելում և այլն, կատարվում են ավտոմատացված համակարգերի միջոցով, որոնք վերասկվում են արտերկրի բարձրակագ մասնագետների կողմից: Կանխատեսվող բերթքատվությունը 2014-15 արտադրական ցիկլում կազմում է 50 կիլոգրամ մեկ քառակուսի մետրի հաշվարկով: Ընկերության արտադրանքը մինչ օրս իրացվել է հիմնականում ներքին շուկայում, սակայն 2015-ի մարտից շեշտը կդրվի մասնավորապես արտահանման վրա, որի հիմնական թիրախը Ռուսաստանն է. «Հիմնականում արտահանվում է Ռուսաստան: Չի բացառվում, որ օգնենք փոքր տնտեսություններին արտահանման հարցում»:
Այժմ բանակցություններ են վարվում ԵՏՄ անդամ երկրների խոշոր գնորդների հետ, արդեն կնքվել են մի քանի պայմանագրեր, որոնց հիման վրա տարեկան պահանջարկը կազմում է 5000 տոննա: Ըստ «Մավաս գրուպ» ընկերության տնօրենի անդամակցությունը ԵՏՄ-ին նպաստավոր պայմաններ է ստեղծել ջերմոցային տնտեսությամբ զբաղվող հայ գործարարների համար.
«ԵՏՄ-ին անդմակցությունը մեզ համար նպաստավոր պայամներ է ստեղծել»:
«Մավաս գրուպ» ընկերությունում աշխատում է 80-130 մարդ, ամսական միջին աշխատավարձը 100 հազար դրամ է: Վերոնշյալ ծրագրերի իրականացման դեպքում ընկերությունը կունենա առնվազն 400 աշխատակից:
