ՄՕԿ- ի գործադիր կոմիտեն որոշում է ընդունել ժամանակավորապես չեղարկել Ռուսաստանի օլիմպիական կոմիտեի (ՌՕԿ) որակազրկումը։
2023 թվականի աշնանը սահմանված որակազրկման պատճառը ինքնահռչակ Դոնեցի եւ Լուգանսկի, ինչպես նաեւ մասամբ ռուսական ուժերի կողմից վերահսկվող Խերսոնի եւ Զապորոժիեի մարզերի օլիմպիական խորհուրդների ընդգրկումն էր Ռուսաստանի օլիմպիական կոմիտեի կազմի մեջ։
ՄՕԿ-ի մամուլի հաղորդագրության մեջ նշված է, որ ՌՕԿ- ի կազմում «այլեւս ընդգրկվում չեն այն տարածքների մարզական կազմակերպությունները, որոնք գտնվում են Ուկրաինայի ազգային օլիմպիական կոմիտեի իրավազորության ներքո»։
ՌՕԿ-ը հաստատել է, որ չի իրականացնում եւ չի իրականացնի որեւէ գործունեություն այդ տարածքներում, հավելել են ՄՕԿ-ում։
ՌՕԿ-ի որակազրկման չեղարկումը ռուսաստանցի մարզիկների համար ճանապարհ է բացում դեպի միջազգային մրցումներ, այդ թվում՝ 2028 թվականին Լոս Անջելեսում կայանալիք Օլիմպիական խաղեր։
Ռուսաստանցի մարզիկները 2024 թվականի Փարիզի ամառային եւ 2026 թվականի Միլանի ձմեռային Օլիմպիական խաղերին մասնակցում էին որպես չեզոք մարզիկներ ՄՕԿ-ի դրոշի ներքո։
