«Ինչպես «ճիշտ» լուսաբանել հայոց ընտրությունները»
Ռուսաստանում «օտարերկրացի գործակալ» և «անցանկալի կազմակերպություն» ճանաչված անկախ պարբերական «Մեդուզա»-ն գրել Է, որ ըստ իր հավաստի աղբյուրի, Կրեմլը հեռարձակող, համացանցային և տպագիր իշխանամետ լրատվամիջոցներին ցուցում Է տվել Հայաստանում հունիսի 7-ի խորհրդարանական ընտրությունների լուսաբանման վերաբերյալ:
ԶԼՄ-ները պետք Է պարտադիր նշեն, որ «Փաշինյանի կուսակցությունը 50 տոկոսից քիչ Է ստացել» և ընդգծեն, որ դա իշխող կուսակցության համար «պարտություն Է»: Բացի այդ, պետք Է շեշտել, որ ընտրությունների ընթացքում, իբր, գրանցվել են համատարած խախտումներ: Դա, ըստ «Մեդուզա»-ի անանուն զրուցակցի, «թույլ կտա կասկածի տակ առնել վարչապետի լեգիտիմությունը»:
Անսալով կոչին, ռուսական հեռուստակայաններից «Առաջին ալիքը» ռեպորտաժում հաղորդել Է, թե «Փաշինյանի կուսակցությունը 50 տոկոսից քիչ Է հավաքում, բայց ստանում Է կառավարություն կազմելու հնարավորություն»:
«Վեստի»-ն ավելի հեռուն Է գնացել, հաղորդելով, թե «Քաղաքացիական պայմանագիրը» ստացել Է 50 տոկոսից քիչ, «իսկ ընդդիմությունը՝ ի հեճուկս աննախադեպ ճնշումների, միասնաբար հավաքել Է գրեթե 40 տոկոս, դա նշանակում Է, որ 460 հազար մարդ դեմ Է վարչապետի քաղաքականությանը»:
«Հայաստանն ավելի կհեռանա ԵԱՏՄ-ից ու Ռուսաստանից»
«Հայաստանը միացրել Է թարթիչը» վերնագրած հոդվածում «Эксперт» վերլուծական հանդեսի մեկնաբանը գրել Է, որ եթե Հայաստանը չհայտնվի քաղաքական ճգնաժամի մեջ, և Նիկոլ Փաշինյանը պահպանի իր լիազորությունները որպես վարչապետ, ընդդիմության նկատմամբ ճնշումը կուժեղանա, և հանրապետությունն ավելի կհեռանա ԵԱՏՄ-ից ու Ռուսաստանից։ Հանդեսը նաև վկայակոչում Է Փաշինյանին, որն ասել Է, թե «Հայաստանը չեն կարող վտարել Եվրասիական տնտեսական միությունից, քանի որ հանրապետությունը վետոյի իրավունք ունի»:
Հայաստանին ձեռնտու Է Ռուսաստանի հետ բնականոն շփումը
Մոսկվայի միջազգային հարաբերությունների պետական ինստիտուտի ավագ գիտաշխատող, «Միջազգային անալիտիկա» հանդեսի խմբագիր, վերլուծաբան Սերգեյ Մարկեդոնովն «Ինտերֆաքս»-ին տված հարցազրույցում ասել Է, թե Փաշինյանին ձեռնտու չԷ Ռուսաստանի հետ հարաբերությունների արագ խզումը:
«Նա գիտակցում Է, որ կայունությունն, այդ թվում՝ նրա իշխանության կայունությունը կախված են Ռուսաստանի հետ բնականոն շփումներից տնտեսական փոխգործակցությունից, ով Էլ ինչ ասի»,- նշել Է Մարկեդոնովը:
Սխալներից սովորելու Մոսկվայի անկարողությունը
Այս ընտրություններին Մոսկվայի արձագանքի թեմայով վերլուծություն Է պատրաստել Deutsche Welle-ի անվանի սյունյակագիր Կոնստանտին Էգերտը:
«Ինչու Պուտինը չի հասկանում և չի հասկանա Փաշինյանին» վերնագրած հոդվածում նա գրել Է, թե Մարիա Զախարովան նույն ինքը Սերգեյ Լավրովն Է և Վլադիմիր Պուտինը, սա հետևողականության մարմնացում Է։ Զախարովան մեկնաբանել Է ընտրությունների արդյունքները նույն ամբարտավան և խրատական տոնով, որով Կրեմլը սովոր է դիմել այն երկրներին ու ժողովուրդներին, որոնք համարձակվել են ինչ-որ հարցում հակառակվել:
Քննադատություն ընտրությունների ժողովրդավարական բնույթի վերաբերյալ, քողարկված ակնարկ, թե Փաշինյանն Արևմուտքի խամաճիկ է, և բնավ ոչ քողարկված սպառնալիք: Դիցուք՝ «Հայաստանի հետ հարաբերություններում մենք մտադիր ենք մեր ուղղությունը ձևավորել՝ հիմնվելով Հայաստանի իրական քայլերի վրա»:
Սա, ըստ Էգերտի, պետք Է այսպես կարդալ. «Եթե շարունակեք մերձենալ Եվրամիությանը և Միացյալ Նահանգներին, մենք կշարունակենք արգելափակել ձեր արտահանումը և նույնիսկ պատրաստ ենք փլուզել ձեր տնտեսությունը»:
Այս անզուսպ, անզոր անամոթության մեջ աչքի ընկնողը նույնիսկ սեփական շահերից ելնելով սեփական սխալներից սովորելու Մոսկվայի լիակատար անկարողությունն է:
Պուտինի ռեժիմը ցանկանում է կառավարել երևակայական «կայսրությունը», բայց նույնիսկ չի կարողանում հանձնել վարորդական իրավունքի քննությունը:
Մի՞թե նրանք չեն հասկանում, որ Ուկրաինայի հետ աղետալի պատերազմի են հասցրել հենց այդ մեծապետական մտածելակերպը, ամբարտավանությունը, խորը համոզմունքն առ այն, որ հարևանները «փախուստի տեղ չունեն»:
Դրան ավելացրեք Մոլդովայի հետ առաջացած խզումը, Բաքվի հետ հարաբերությունների սառեցումը, հիմա Էլ՝ բոլորիս աչքի առաջ՝ Երևանի հետ կապերի խզումը։
Հարևանները իրենց եզրակացություններն արել են։ Նրանք արդեն հեռանում են և կշարունակեն հեռանալ։
Այսօր կարելի Է հեշտությամբ պատկերացնել այն օրը, երբ Պուտինը կմասնակցի մայիսի 9-ի շքերթին Կարմիր հրապարակում՝ միայն Հարավային Օսիայի և Աբխազիայի ռուսական պրոտեկտորատների խամաճիկ «նախագահների» ուղեկցությամբ։
«Ու մի օր նրանք Էլ չեն գա»,- գրել Է Կոնստանտին Էգերտը:
