Նիկոլ Փաշինյանը շնորհավորել է ՀՀ քաղաքացիներին և «Քաղաքացիական պայմանագիր» կուսակցությանը խորհրդարանական ընտրություններում տարած հաղթանակի առիթով։
Ազգային ժողովի հանձնաժողովների նիստում՝ 2025 թվականի բյուջեի տարեկան հաշվետվության քննարկման մեկնարկին, ՀՀ վարչապետ Նիկոլ Փաշինյանը հայտարարել է, որ հունիսի 7-ի ընտրություններում ՀՀ ժողովուրդն իր քվեարկությամբ պաշտպանեց երկրի անկախությունը, պետականությունն ու խաղաղ ապագան։
Վարչապետի ձևակերպմամբ՝ «պատերազմի եռագլուխ կուսակցությունը» և դրան հարող քրեաօլիգարխիկ համակարգը ջախջախված են, իսկ դրանց վերջնական արմատախիլ անելը լինելու է Կառավարության և քաղաքական մեծամասնության գլխավոր առաջնահերթություններից մեկը։
Փաշինյանը նաև հավելել է, որ «Քաղաքացիական պայմանագիր» կուսակցությունը խորհրդարանում կազմելու է մեծամասնություն և միանձնյա ձևավորելու է նոր Կառավարություն։
