Տնտեսական

Դրամի արժեզրկումից տուժելու են հիմնականում կենսաթոշակ ու նպաստ ստացողները.սոցիոլոգ

Հասմիկ Դիլանյան
Լիլիթ Մուրադյան

«Ռադիոլուր»

 

 

«Փոխարժեքի տատանումներից ու մասնավորապես դրամի արժեզրկումից ամենաշատը տուժելու են պետական աշխատողները, կենսաթոշակ ու նպաստ ստացող քաղաքացիները, ովքեր դրամով ու պետական բյուջեից են եկամուտներ ստանում»,- այսօր լրագրողների հետ հանդիպման ժամանակ հայտատարել է սոցիոլոգ Ահարոն Ադիբեկյանն ու  տեղեկացրել, որ խոսքը ՀՀ մեկ միլիոն քաղաքացիների մասին է: Սոցիոլոգը ևս ինչպես փորձագետներից շատերը կարևորել ու ընդգծել է աշխատավարձերի ինդեքսավորումը: Ի դեպ, Ահարոն Ադիբեկյանը հատուկ ընդգծել է, որ Հայաստանի ռազմավարական գործընկեր ՌԴ-ն ամեն տարի մարդկանց եկամուտների ինդեքսավորում կատարում է:

«Ռուսաստանում ռուբլու արժեզրկումն ավելի շուտ էր սկսվել, սակայն, Հայաստանի տնտեսության  վրա անմիջական ազդեցություն ունեցավ միայն երկու-երեք ամիս անց»,- ընդգծել է տնտեսագետ Վիլեն Խաչատրյանն ու նշել ներմուծված արտադրանքի՝ տեղում արտադրելու անհրաժեշտության մասին: Հայաստանում բարձր է դոլարիզացիայի մակարդակը, դրսից ներգրավված վարկերը հիմնականում դոլարով էին, հայաստանյան բանկերը ավելի ցածր տոկոսադրուքյներով դոլարային վարկեր էին տրամադրում հաճախորդներին, արդյունքնում այդ քաղաքացիներն  այժմ շատ ավելի վատ վիճակում են հայտնվել:

Back to top button