Պետությունը պետք է պատրաստ լինի հնարավոր ամենավատ տարբերակներին։ Լևոն Սարդարյանի հեղինակային «Առանց տողատակի» հաղորդմանն այդ մասին ասել է Անվտանգության քաղաքականության հետազոտական կենտրոնի ղեկավար Արեգ Քոչինյանը։
Լևոն Սարդարյանն ու փորձագետը զրուցում են «Թրամփի ուղու», Հայաստանում և Հայաստանի շուրջ ծավալվող իրադարձությունների մասին։
Քոչինյանի խոսքով՝ «Թրամփի ուղին» դարձել է մի նախագիծ, որը բացահայտ հակառակորդներ չունի, բայց հանդիպում է ծպտյալ դիմադրության, ինչ արդյունքում փորձեր են արվում խափանել թե՛ այդ նախագիծը, թե՛ խաղաղությունը։
