Ադրբեջանական APA լրատվական գործակալության փոխանցմամբ՝ ԵԱՀԿ Մինսկի խմբի ռուս համանախագահ Իգոր Պոպովը հայտարարել է, որ դեռ հստակեցված չէ Հայաստանի և Ադրբեջանի արտգործնախարարների առաջիկա հանդիպման ժամկետը: Վերջինիս խոսքով՝ իրենք ներկայումս տվյալ հարցի շուրջ բանակցում են երկու երկրների արտաքին գործերի նախարարությունների հետ. «Հուսով եմ՝ Հայաստանի և Ադրբեջանի արտգործնախարարների հանդիպումը տեղի կունենա այս շաբաթ: Այդ հանդիպումը տեղի է ունենալու Փարիզում»,-հայտարարել է ռուս համանախագահը՝ նշելով, որ հանդիպման արդյունքներով ԵԱՀԿ Մինսկի խմբի համանախագահները կայցելեն տարածաշրջան: «Գլխավորը Ղարաբաղյան հակամարտության կարգավորման շուրջ բանակցությունների շարունակումն է: ԵԱՀԿ Մինսկի խմբի համանախագահող երկրներն աջակցում են երկու երկրների միջև երկխոսության հաստատմանը»,-ասել է Իգոր Պոպովը:
Նմանատիպ հոդված
Աշխարհահռչակ ջութակահար Սերգեյ Խաչատրյանը համերգներ կունենա Երևանում և մարզերում
4 Մայիսի, 2024, 14:14
Թուրքիան չի վերադառնա F-35 ծրագրին և ԱՄՆ-ին խնդրում է չեղարկել CAATSA-ի պատժամիջոցները
4 Մայիսի, 2024, 13:50
Կարդացեք նաև
Close