Իսրայելի պաշտպանության ուժերը ընդլայնել են Գազայի հատվածում ռազմական գործողությունները և մարտերում ոչնչացրել են տասնյակ զինված արմատականների, հայտնել է բանակի մամուլի ծառայությունը:
«Վերջին մի քանի օրերի ընթացքում 36-րդ դիվիզիան ընդլայնել է գործողությունները Գազայի հատվածի նոր տարածքներում՝ ոչնչացնելով հարյուրավոր ահաբեկչական ենթակառուցվածքային օբյեկտներ»,- ասվում է բանակի մամուլի ծառայության հայտարարության մեջ:
Զինվորականները նաև հայտնել են, որ «ռազմանավերը հարվածել են մի քանի թիրախ Գազայի հատվածի հարավում», նշելով, որ Իսրայելի ռազմաօդային ուժերը 24 ժամվա ընթացքում հարձակվել են պաղեստինյան անկլավում գտնվող 140 ռազմական թիրախների վրա:
