ԱՄՆ նախագահ Դոնալդ Թրամփը հայտարարել է, որ հեռախոսազրույց է ունեցել Ռուսաստանի նախագահ Վլադիմիր Պուտինի հետ, որի ընթացքում քննարկվել են Ուկրաինայում վերջերս տեղի ունեցած անօդաչու թռչող սարքերի հարձակումները և Իրանի միջուկային հարցերը, գրում է BBC-ին։
Թրամփը հայտնել է, որ Պուտինը տեղեկացրել է իրեն, որ Ռուսաստանը պատրաստվում է արձագանքել երկրի օդանավակայանների դեմ իրականացված հարձակմանը։ Նա հավելել է, որ մեկ ժամից ավելի տևած զրույցը «չի բերելու անհապաղ խաղաղություն», սակայն դրական է գնահատել շփումը։
Կողմերը նաև անդրադարձել են Իրանի հետ կապված զարգացումներին։ Պուտինը նշել է, որ Ռուսաստանը կարող է դեր ունենալ Իրանի միջուկային բանակցությունների գործընթացում։
