Երեք լուսաբաց՝ առանց լույսի․ Եվրոպան փնտրում է էլեկտրաէներգիայի ամենամասշտաբային անջատումներից մեկի պատճառը

Իսպանիայի, Պորտուգալիայի ու Ֆրանսիայի որոշ շրջաններում երկուշաբթի օրվանից սկսած խավարը դեռ ամբողջությամբ չի ցրվում։ Հոսանք չկա։ Սա պատմության մեջ էլեկտրաէներգիայի ամենամասշտաբային ու ամենաերկարատև անջատումներից մեկն է Եվրոպայում՝ գնահատում են միջազգային լրատվամիջոցները։ Երեք երկրներում մարդիկ անցնում էին 21-րդ դարի կենսակերպի հետ անհամադրելի փորձության միջով։

Իսպանիայում հիմնականում վերականգնվել է էլեկտրաէներգիայի մատակարարումը՝ հայտարարել է այդ երկրի վարչապետ Պեդրո Սանչեսը։ Եվ մինչև Իսպանիայի, Պորտուգալիայի ու Ֆրանսիայի բնակիչները վերադառնում են իրենց բնականոն կյանքին, մասնագետները զբաղված են ապրիլի 28-ից սկսված էներգետիկ անջատումների պատճառների փնտրտուքով։ Վարկածները շատ են, հերքումները՝ նույնպես։