Միջազգային տարբեր լրատվամիջոցներ, Flight Radar-ին հղում տալով, հայտնում են, որ ԱՄՆ նախագահի հատուկ բանագնաց Սթիվ Ուիթքոֆի ինքնաթիռը այսօր առավոտյան վայրէջք է կատարել Սանկտ Պետերբուրգում։
BBC-ին հայտնում է, որ Gulfstream G650ER բիզնես դասի ինքնաթիռը թռիչքն սկսել է Ֆլորիդայից եւ վայրէջք կատարել Պուլկովո օդանավակայանում։
Այն, որ Ուիթքոֆը Ռուսաստանում հանդիպելու է նախագահ Վլադիմիր Պուտինի հետ, առաջինը հայտնել էր Axios պարբերականը։
Այն գրել էր, որ Թրամփը դժգոհ է Ուկրաինայում խաղաղության բանակցությունների առաջընթացի բացակայությունից եւ վերջերս ասել է, որ Մոսկվայի դիրքորոշումն իրեն կատաղեցնում է։
«Եթե մինչեւ այս ամսվա վերջ հրադադարի համաձայնագիրը չլինի, Թրամփը կարող է Ռուսաստանի դեմ լրացուցիչ պատժամիջոցներ սահմանի կամ նախագահական հրամանագրի միջոցով, կամ դիմի Կոնգրեսին՝ նոր պատժամիջոցների օրենքներ ընդունելու խնդրանքով»,- իր անանուն աղբյուրները չվկայակոչելով գրել է Axios- ը։
Ռուսական ՏԱՍՍ գործակալությունն այսօր հայտնել է, որ նախագահ Պուտինն մտադիր է «տարածաշրջանային այցեր» կատարել։
