Իմպրեսիոնիզմի հայրենիք Ֆրանսիայում կներկայացվեն անվանի նկարիչներ Վարդգես Սուրենյանցի, Եղիշե Թադևոսյանի, Վահրամ Գայֆեճյանի, Կարապետ (Շառլ) Ադամյանի, Մարտիրոս Սարյանի, Սեդրակ Առաքելյանի 70-ից ավելի իմպրեսիոնիստական ստեղծագործությունները և փաստավավերագրական նյութերը Հայաստանի ազգային պատկերասրահի հավաքածուից:
Ինչպես հայտնում են Հայաստանի ազգային պատկերասրահից, այս բացառիկ ցուցադրությունն իրականացվում է Եվրոպայի խորհրդի Մշակութային ուղիներ ծրագրի Իմպրեսիոնիզմի ուղիներ նախագծի շրջանակներում, որին 2022 թ. անդամակցում է Հայաստանի ազգային պատկերասրահը:
