Նանյանգի տեխնոլոգիական համալսարանը (NTU) նախազգուշացրել է, որ համաշխարհային օվկիանոսները կարող են բարձրանալ 1.9 մետրով մինչև այս դարի վերջ, եթե ածխածնի արտանետումները շարունակեն աճել ներկայիս տեմպերով: Սա սարսափելի հետևանքներ կունենա ամբողջ մոլորակի ափամերձ համայնքների համար և միլիոնավոր մարդկանց կթողնի անօթևան:
«Կլիմայի փոփոխությունը մեղմելու և ջերմոցային գազերի արտանետումները նվազեցնելու հրատապ անհրաժեշտություն կա»,- ասում է բժիշկ Բենջամին Գրանդին՝ հավելելով․
«Եթե կանխատեսումն իրականանա, Լոնդոնի նման քաղաքները կհայտնվեն ջրհեղեղի տակ։ Հատկապես խոցելի կլինեն Թեմզայի երկայնքով գտնվող տարածքները: Անգլիայի արևելյան ափը, ներառյալ Հալը և Սկեգնեսը, նույնպես կարող են ծածկվել ջրով»։
Հետազոտողների կողմից մշակված «միաձուլման» նոր մեթոդաբանությունը խոստանում է ծովի մակարդակի բարձրացման ավելի ճշգրիտ կանխատեսումներ:
«Սա չափազանց կարևոր է ենթակառուցվածքների պլանավորման համար: Այս վտանգը սպառնում է ողջ Եվրոպային, որտեղ խիտ բնակեցված ափամերձ տարածքները կարող են անհետանալ ջրի տակ»,- նշել են հետազոտողները։
