Պետական եկամուտների կոմիտեն զգուշացնում է, որ համացանցում տարածվում է կեղծ տեղեկատվություն սոցիալական ծախսի փոխհատուցման վերաբերյալ։
«Հարգելի՛ քաղաքացիներ, համացանցում տարածվում է կեղծ տեղեկատվություն՝ սոցիալական ծախսի փոխհատուցման վերաբերյալ։ Անհայտ մարդիկ սոցիալական ցանցում տարածում են տեղեկատվություն հետևյալ բովանդակությամբ` միաժամանակ կցելով վիրուս պարունակող հղում․
«Տղերք, ինչ-որ մեկը սոցիալական վճար է ստա՞ցել: Ինձ խորհուրդ է տվել գործընկեր եւ գումար արդեն հասել է իմ հաշվին. Եթե ինչ-որ մեկին դա պետք է, Դուք նույնպես կարող եք ստանալ այն»։
ՊԵԿ-ից հայտնում են, որ կոմիտեն նման տեղեկատվություն չի տարածել և այն չի համապատասխանում իրականությանը։
«Հորդորում ենք չբացել կցված հղումը` Ձեր իսկ անձնական տվյալների անվտանգության ապահովման նպատակով»,-ասված է ՊԵԿ հաղորդագրության մեջ։
Կոմիտեն հորդորում է հետևել միայն ՊԵԿ պաշտոնական լրահոսին։
