Առնվազն 9 մարդ տուժել է Իրանի հյուսիսում գտնվող Գերմսար քաղաքի մոտ տեղի ունեցած 4,6 մագնիտուդ ուժգնությամբ երկրաշարժի հետևանքով, հայտնում է IRNA գործակալությունը։
Նշվում է, որ բոլոր տուժածները թեթև վնասվածքներ են ստացել։ Գործակալությունը հայտնել է նաև, որ երկրաշարժի հետևանքով քաղաքի որոշ բաժանորդների համար անջատվել է էլեկտրաէներգիան և ինտերնետը։
Եվրոպական-միջերկրածովյան սեյսմոլոգիական կենտրոնի տվյալներով՝ Գերմսար քաղաքից 5 կմ հյուսիս-արևելք, որտեղ ապրում է մոտավորապես 49,4 հազար մարդ, տեղի է ունեցել 4,6 մագնիտուդով երկրաշարժ։ Օջախը եղել է 35 կմ խորության վրա։
