Գեղարքունիքի Ճամբարակ համայնքի Շողակաթ և Արտանիշ բնակավայրերի միջակայքում գտնվող «Արտանիշ-9» հնավայրը պեղվում է 2020 թվականից։
Հնագիտության և ազգագրության ինստիտուտի գիտաշխատող Հասմիկ Սիմոնյանն ասում է. «Սևանա լճի հյուսիսային և հյուսիս-արևելյան ափերը քիչ են ուսումնասիրված։ Հալեի համալսարանի արշավախմբի հետ համատեղ կատարված պեղումների արդյունքում հայտնաբերեցինք մ.թ.ա. 3-րդ հազարամյակի առաջին կեսի վաղ բրոնզեդարյան բնակատեղի և դամբարանադաշտ»։
Գտնվել է թաղման հետաքրքիր ծես, մարդկային մասունքները կուղարկվեն Գերմանիա` փորձաքննության։
