Երեխաներին ասել է, որ իրենց հայրը աստղ է դարձել երկնքում և ամեն օր լուսավորում է վերևից։
Արցախի Մարտունու շրջանի Ճարտար քաղաքի բնակիչ, ավագ լեյտենանտ Բաբկեն Ադամյանի կինը՝ Արմինեն, և երկու աղջիկները՝ Վեներան և Լիլիթը, 2023 թվականից պատուհանից երկնքին են նայում և անգամ մեկ լուսատու տեսնելով՝ աչքը չեն կտրում աստղից։
«Պապայի հետ ենք զրուցում»,- արձագանքում են երեխաները մոր կանչին։ Երբ մայրը սկսում է լացել, երեխաները վրդովված հորդորում են չլացել, որ հայրիկը շուտ վերադառնա։ «Այսօր Բաբկենն ինձ ուժ է տալիս վերևից», – ասում է երիտասարդ կինը.