Արթուրի կիսատ մնացած երազանքն ու չպատրաստած պաղպաղակը. «Միշտ ներկա»

2020 թվականի հոկտեմբերի 12-ին Վարանդայի (Ֆիզուլի) շրջանի Ջուվառլու կոչվող տեղամասում կրակային դիրք ներխուժած հակառակորդի դիվերսիոն խմբի դեմ պայքարելիս զոհվեց Արթուր Ասրյանը։ Երբ փոքր էր, տանը անհամբեր սպասում էր զինվորական հորը, մանուկ հասակում երազում էր զինվորական դառնալ։ Տարիներ հետո այս երազանքին ավելացավ ևս մեկը։ Ցանկանում էր իր պատրաստած պաղպաղակով «քաղցրացնել» երեխաների կյանքը։ Բայց պատերազմը նրա երազանքները կիսատ էր թողնելու։