Համերաշխ ենք հույն ժողովրդի հետ․ ՀՀ ԱԳՆ

ՀՀ արտգործնախարարությունը ցավակցություն է հայտնել Հունաստանում տեղի ունեցած ողբերգության առիթով։

«Հայաստանը եղբայրական Հունաստանի և նրա ժողովրդի կողքին է։ Ցավակցում ենք Canadair ավիաընկերության օդաչուների ընտանիքներին, ովքեր կորցրել են իրենց կյանքը Հունաստանում անտառային հրդեհների առաքելության ժամանակ»,- ասված է ՀՀ ԱԳՆ Թվիթերի գրառման մեջ։

As #Greece🇬🇷 declared three days of mourning, #Armenia🇦🇲 stands in solidarity with Greek people. Our condolences to families of the Canadair pilots who lost their lives during wildfire mission in Greece. pic.twitter.com/XVxhWSIRJc
— MFA of Armenia🇦🇲 (@MFAofArmenia) July 26, 2023

Հունաստանի հարավում՝ անտառային հրդեհների մարման աշխատանքների ժամանակ Canadair ինքնաթիռ է կործանվել։ Ինքնաթիռում գտնվող երկու օդաչուներն էլ զոհվել են։

Շոգի երրորդ անընդմեջ ալիքը Հունաստանի մի շարք հատվածներում ջերմաստիճանը բարձրացրել է 40°C-ից (104°F)։ Մի քանի օր շարունակ անվերահսկելի հրդեհների պատճառով գիշերային տարհանումներ են իրականացվել։

Հունաստանում եռօրյա սուգ է հայտարարել։

Լիլիթ Մուրադյան26 Հուլիսի, 2023, 12:52

մեկ րոպեից էլ քիչ