2023 թվականը պետք է լինի հեքիաթով և հրաշքով լի, ամենամեծ հրաշքն էլ խաղաղությունն է և սեփական իրավունքների գիտակցումը` ասում են Հայաստանի ու Արցախի փոքրիկ քաղաքացիները՝ 10-ամյա Առնո Օհանյանն ու 12-ամյա Սվետլանա Բալայանը։ «Ռադիոլուր»-ի պատանի զրուցակիցները ստեղծված իրավիճակից դուրս գալու համար Հայաստանի և Արցախի համար կարևորում են միասնականությունը, ներողամտությունը և բարեսիրությունը, իսկ հակամարտության լուծման միակ ճանապարհը համարում են երկրի հզորացումը և բանակի կայացումը։
