Պուտինն Ալիևի հետ քննարկել է ՌԴ-ի, ՀՀ-ի և Ադրբեջանի եռակողմ պայմանավորվածությունները

Ռուսաստանի Դաշնության նախագահ Վլադիմիր Պուտինը ՌԴ-ի, Ադրբեջանի և Հայաստանի եռակողմ պայմանավորվածություններին վերաբերող հարցեր է քննարկել Ադրբեջանի նախագահ Իլհամ Ալիևի հետ։

Ինչպես հայտնում է Կրեմլի մամուլի ծառայությունը, հեռախոսազրույցի ընթացքում անդրադարձ է կատարվել Ռուսաստանի, Ադրբեջանի և Հայաստանի ղեկավարների եռակողմ պայմանավորվածությունների գործնական իրականացման որոշ հարցերի, որոնք կապված են մասնավորապես ադրբեջանա-հայկական սահմանի անվտանգության ապահովման հետ: