Խոհանոց, որը շատ բազմազան է, ոչ միայն հարուստ է համերով, այլև պատմությամբ, գրում է Բրեանա Ուիլսոնը Forbes-ում հրապարակված հոդվածում։
«Համեստ պարզությամբ ներկայացված ուտեստներն ու գինու ավանդույթները, որոնք աշխարհում առաջիններից մեկն են, կարելի է հասկանալ միայն երկիր ոտք դնելուց հետո՝ Հայաստանը դարձնելով մի վայր, որն այլևս չպետք է անտեսվի, հատկապես գուրմանների և էնոֆիլների կողմից: — ասում է հեղինակը։
Նրա խոսքերով, «Չնայած, որ Երևանի ռեստորաններ ու սրճարաններ այցելելը հնարավորություն է տալիս մակերեսորեն ծանոթանալ հայկական խոհանոցին, կան շատ ավելի լավ տարբերակներ՝ ուսումնասիրելու խոհանոցը և խորարալու նրա ավանդույթների, տեխնոլոգիների և ճաշատեսակների մեջ, ծանոթանալու մարդկանց հետ, որոնք պահում են ժառանգության այս հատվածը»:
Իսկ դա նշանակում է դուրս գալ, ձեռքերը «կեղտոտել», գրում է Բրեաննա Ուիլսոնը՝ ներկայացնելով 11 տարբեր փորձառություն Հայաստանում, որոնք կօգնեն բացահայտել խոհանոցը.
- Բացահայտեք անհայտը 2492-ի հետ
- Գնացեք Սոնա հյուրատուն՝ փնտրելու վայրի բույսեր և հատապտուղներ
- Պատրաստեք Սասնա կոլոլակ Նուշ հյուրատանը
- Հորեք պանիր Հին Մարտիրոս հյուրատանը
- Մեղրիի լավագույն ուտեստները համտեսեք Խաչաց տանը
- Այցելեք Եգանյանների հայկական գաստրո բակ
- Համտեսեք հայկական պանիր Միքայելյան ընտանիքի ֆերմայում
- Նստեք խաղողի այգիներում Momik Wines-ում
- Անցեք խոհարարական վարպետության դաս Միրհավ հյուրանոցում
- Պատրաստեք Չանախ և Փոխինդ Chalet Gyumri-ում
- Սովորեք գաթա պատրաստել Legends Guesthouse-ի հետ
