Ներկայացուցիչների պալատի ներկայիս խոսնակ Նենսի Փելոսին ընտրություններից հետո կմտնի Կոնգրեսի նոր կազմ, կանխատեսում է NBC News-ը։
Ինչպես նշում է հեռուստաալիքը, Սան Ֆրանցիսկո քաղաքի իր ընտրատարածքում Փելոսին հաղթում է հանրապետական թեկնածուին՝ հավաքելով ձայների 82%-ը։
Փելոսին Ներկայացուցիչների պալատում է 1987 թվականից և Կոնգրեսում իր հաջորդ ժամկետի ավարտին կդառնա 84 տարեկան, որից 37-ը կլինի օրենսդիր:
ԱՄՆ-ում միջանկյալ ընտրություններ են, ամերիկացիները ընտրում են Ներկայացուցիչների պալատ, Սենատի մեկ երրորդը, նահանգների մեծամասնությունում օրենսդիր մարմիններ և նահանգապետեր:
Ներկայացուցիչների պալատի բոլոր 435 անդամները վերընտրվում են երկու տարին մեկ։ Վերջին երկու տարիներին դեմոկրատները մեծամասնություն են կազմել Ներկայացուցիչների պալատում:
