Ռուսաստան-Ատրպէյճան-Հայաստան գագաթաժողովը նախապատրաստութեան ընթացքի մէջ է, ՌԻԱ Նովըսթիին ըսած է Ռուսաստանի նախագահի մամլոյ քարտուղար Տմիթրի Փեսքով։ Հանդիպման մասին խօսեցաւ նաեւ Մարիա Զախարովան, թէ Ռուսաստանի նախագահ Վլատիմիր Փութին Հայաստանի վարչապետ Նիկոլ Փաշինեանն ու Ատրպէյճանի նախագահ Իլհամ Ալիեւը հրաւիրած է Ռուսաստան՝ եռակողմ գագաթաժողովին։
Գիշերը ժամը 01:30-ին, Ատրպէյճանի Զինուած ուժերու ստորաբաժանումները տարբեր տրամաչափի հրաձգային զինատեսակներէն կրակած են հայ-ատրպէյճան սահմանի արեւելեան հատուածին տեղակայուած հայկական դիրքերու ուղղութեամբ: Հայաստանի Պաշտպանութեան նախարարութենէն կը յայտնեն , որ հայկական կողմը կորուստներ չունի:
Այսօր՝ 25 Հոկտեմբերին կը սպասուի Արեւի մասնակի խաւարում, որը տեսանելի պիտի ըլլայ նաեւ Հայաստանէն, կը յայտնեն Բիւրականի աստղադիտարանէն: Ընդհանուր առմամբ խաւարումը պիտի տեւէ 2 ժամ 32 վայրկեան։ Սկիզբը՝ ժամը 13։52-ին։
