
Սարդարապատի հուշահամալիր, Հայոց ազգագրության թանգարանն իր ֆեյսբուքյան էջում գորգ կտրելու արարողության մասին տեսանյութ է հրապարակել:
Գորգ գործելու ընթացքում գորգագործները սովորաբար երգում են, պետք է երգել, խոսել գորգի հետ, օրհնանքներ ասել: Իսկ երբ ավարտվում է գորգը, այն դազգահից կտրելը տոնակատարություն է: Ամիսների աշխատանքն ամբողջանում է: Կտրվում է գորգը, փռվում գետնին: Կանայք քաղցրավենիք են նետում գորգի վրա և շնորհակալական խոսքեր շռայլում այն ստեղծողին:




