Հայ-իրանական յարաբերութիւններու ամրապնդումն ու զարգացումը Հայաստանի համար ռազմավարական նշանակութիւն ունի, յայտարարեց փոխվարչապետ Սուրէն Պապիկեան՝ ընդունելով Հայաստանի մէջ Իրանի դեսպան Ապպաս Զոհուրին:
Կառավարութիւնը հաստատեց «Հայաստանի Հանրապետութեան 2022 թուականի պետական բիւճէի » օրէնքի նախագիծը։ Վարչապետ Նիկոլ Փաշինեան ներկայացուց իր ուղերձը ՝ ընդգծելով, որ Հայաստանի Հանրապետութիւնը կանգնած է դժուարին մարտահրաւէրներու առջեւ, տակաւին չեն յաղթահարուած համավարակի եւ 44-օրեայ պատերազմի տնտեսական, ընկերային եւ անվտանգային աղէտալի հետեւանքները եւ մարտահրաւէրները։
Այսօր եւ վաղը երեկոյեան, ժամը 20։00-22։00, Հանրապետութեան հրապարակը պիտի հնչեն Հայկոյի երգերը։ Սիրուած երգիչը կեանքէն հեռացաւ Սեպտեմբեր 29-ին :
