Այսօր՝ օգոստոսի 8-ին կայացավ «Տոկիո-2020» 32-րդ ամառային Օլիմպիական խաղերի փակման հանդիսավոր արարողությունը։
Խաղերի փակման ավարտի մասին հայտարարեց Միջազգային Օլիմպիական կոմիտեի նախագահ Թոմաս Բախը։
Ինչպես մրցումների մեծ մասը, այնպես էլ փակման արարողությունն անցավ առանց հանիդսականի՝ կապված նոր տիպի կորոնավիրուսային վարակի տարածումը կանխելու հետ։
Հայաստանը Տոկիոյի խաղերում ընդհանուր առմամբ 4 մեդալ է նվաճել՝ 2 բրոնզե, 2 արծաթե:
Փակման հանդիսավոր արարողության ժամանակ Հայաստանի օլիմպիական հավաքականի դրոշակակիրը բռնցքամարտիկ Հովհաննես Բաչկովն էր, որը ՕԽ-ում դարձավ բրոնզե մեդալակիր:
Մեդալային հաշվարկով հաղթանակ տարավ ԱՄՆ-ի հավաքականը՝ 39 ոսկե, 41 արծաթե և 33 բրոնզե մեդալներով: Երկրորդ տեղում Չինաստանն է (38-32-18), երրորդ տեղում՝ Ճապոնիան (27-14-17):
