Ճանաչված հայ քաղաքական գործիչ, ականավոր դաշնակցական Հրայր Մարուխյանի դստեր, «Հրայր Մարուխյան» հիմնադրամի տնօրեն Շաղիկ Մարուխյանը ներկայացնում է Հրայր Մարուխյան գործչին, մարդուն, հայրենասերին, ամուսնուն և պարզապես սիրելի հայրիկին։
Ամփոփ լուսաբանվում է «Հրայր Մարուխյան» հիմնադրամի գործունեությունը, նաև բացահայտվում Շաղիկ Մարուխյանի՝ Հայաստանին կապվածության ակունքները։
Հրայր Մարուխյանի մասին շատ է գրվել ու խոսվել, բայց, թե ինչպես է ներկայացնում ընտանիքի ապրածն ու զգացածը նրա ժառանգորդուհին, այլ խորություն ու անկեղծություն է հաղորդում պատումին։
«Պերսոնա նոն գրատա» հայտարարված Հրայր Մարուխյանը արտաքսվեց նորանկախ Հայաստանից։ Ընտանիքի համար սկսվեց բեկումնային նոր շրջափուլ։
Շաղիկ Մարուխյանը Հայաստան վերադառնալու վերջնական որոշումն ընդունեց երկրի համար բարդ քաղաքական ու հասարակական-տնտեսական ժամանակահատվածում։ 27 տարի է անցել դժբախտ պատահարից։ Շաղիկ Մարուխյանի համար դժվար է այդ մասին խոսելը, բայց, այդուհանդերձ, այդ դիպվածի մանրամասնություններն անհնար է մոռանալ։ Հրայր Մարուխյանի կինը՝ Անահիտը, նույնպես բովանդակալից կենսագրություն ունի, որի որոշ դրվագները բացահայտում է դուստրը։
Անահիտ Մարուխյանի հայրը՝ Էրզրումցի Խորենը Հրայր Մարուխյանը ծնողների և քրոջ հետ
Ի հիշատակ նվիրյալ դաշնակցականի և հայրենասերի՝ 2009 թ.-ին ՀՅԴ կուսակցությունը հիմադրեց «Հրայր Մարուխյան» հիմնադրամը, որի աշխատանքները 2019 թվականից ղեկավարում է դուստրը՝ Շաղիկ Մարուխյանը։
«Հրայր Մարուխյան» հիմնադրամը գործունեության հիմքում ունի հստակ արժեքային բաղադրիչներ, որոնցով առաջնորդվում է։ Հիմնադրամի հաջողված նախաձեռնություններից է Աշխատանքային իրավունքների պաշտպանության գրասենյակը։
Անահիտ Մարուխյանի մայրը՝ Սաթենիկը, Արցախի Հարավ գյուղից Շաղիկ Մարուխյանը Նեկտար տատի հետ, Բեյրութ, 1984թ․
Այն գործում է Երևանում և անվճար իրավաբանական ծառայություններ է մատուցում ՀՀ քաղաքացիներին։ Հետաքրքրվեցի նաև, թե ի՞նչ մտահոգություններով է այժմ ապրում Շաղիկ Մարուխյանը։ Հրայր Մարուխյանի թողած ի՞նչ պատգամներով է առաջնորդվում։
