Ընտրությունների արդյունքների վերաբերյալ ՍԴ նիստի օրը հայտնի է

Հուլիսի 9-ին սահմանադրական դատարանը բանավոր ընթացակարգով քննելու է արտահերթ խորհրդարանական ընտրությունների արդյունքները վիճարկող 4 դիմումները։

Հունիսի 20-ին կայացած քվեարկության արդյունքները բարձր դատարանում վիճարկում են ինչպես խորհրդարան անցած երկրորդ նախագահ Ռոբերտ Քոչարյանի գլխավորած «Հայաստան» և երրորդ նախագահ Սերժ Սարգսյանի սատարած «Պատիվ ունեմ» դաշինքները, այնպես էլ անցողիկ շեմը չհաղթահարած «Զարթոնք» և «Հայոց հայրենիք» կուսակցությունները։